မြန်မာနိုင်ငံသားတိုင်းအတွက်
ရေရှည်တည်တံ့သော လူမှုစီးပွား
ဖွံ့ဖြိုးတိုးတက်ရေးကို
အထောက်အကူပြုနိုင်ရန်
“Myanmar Development Partners”
MDP ၏ အသေးစား ငွေရေးကြေးရေး ဝန်ဆောင်မှု လုပ်ငန်းသည် ပြည်တွင်း ပြည်ပ ဖွံ့ဖြိုးရေး မိတ်ဖက် အဖွဲ့အစည်းများ၏ ဖွံ့ဖြိုးရေး အကူအညီများနှင့် မတည်ပျိုးထောင်ခဲ့သော “Social Enterprise / လူမှုစီးပွားလုပ်ငန်း” တစ်ခု ဖြစ်သည်။
MDP ၏ အခြေခံ မူဝါဒ
MDP သည် မြန်မာနိုင်ငံ၏ လူမှုရေး၊ စီးပွားရေး နှင့် ငြိမ်းချမ်းရေး ဘက်စုံ ဖွံ့ဖြိုး တိုးတက်မှုကို ထိရောက်စွာ အထောက်အကူ ပြုမည့် အသက်မွေး ပညာ ပီပြင်စွာဖြင့် လုပ်ကိုင်သော တာဝန်သိ ဘဏ္ဍာရေး အဖွဲ့အစည်းတစ်ခု ဖြစ်လာရန် မျှော်မှန်းပါသည်။ MDP ၏ အခြေခံ မူဝါဒ ဖြစ်သော လုပ်ငန်းတန်ဖိုးသည် အသက်မွေးပညာရှင်ပီသခြင်း (professionalism) နှင့် တာဝန်သိ စီးပွားရေးလုပ်ငန်း (Responsible Business) ဖြစ်ခြင်းဖြစ်သည်။
MDP Microfinance ၏ လုပ်ငန်းရည်ရွယ်ချက်
Vision & Mission
မြန်မာ့ ဖွံ့ဖြိုးရေး မိတ်ဆွေများ ကုမ္ပဏီ MDP ၏ အသေးစား ငွေရေး ကြေးရေး လူမှုစီးပွား လုပ်ငန်း MDP MicroFinance သည် မြန်မာနိုင်ငံသား ဝင်ငွေနိမ့် လုပ်သား ပြည်သူများ၏ စီးပွားရေး လုပ်ဆောင်မှုများနှင့် စီးပွားရေးလုပ်ငန်းငယ်များအား အသေးစား ငွေရေးကြေးရေး ဝန်ဆောင်မှုပေးကာ အသက်မွေး ပညာသည်များနှင့် တာဝန်သိ စီးပွားရေး လုပ်ငန်းများ နိုင်ငံတစ်ဝှမ်း ပေါ်ပေါက် လာစေခြင်းဖြင့် မြန်မာနိုင်ငံသားတိုင်း အတွက် ရေရှည် တည်တံ့သော လူမှုစီးပွား ဖွံ့ဖြိုးတိုးတက်ရေးကို အထောက်အကူ ပြုနိုင်ရန် ရည်ရွယ်ပါသည်။
MDP Microfinance လုပ်ငန်းအဖွဲ့ဝင်များ၏ လူမှုစီးပွားဖွံ့ဖြိုးတိုးတက်မှုဖြင့် ဆင်းရဲမှု ပပျောက်ရေး၊ ရေရှည်တည်တံ့သော ဘက်စုံဖွံ့ဖြိုးတိုးတက်ရေး၊ အားလုံးပါဝင်နိုင်သော ငွေကြေးစနစ် အစရှိသည့် နိုင်ငံတော် အဆင့် မူဝါဒ လုပ်ငန်းများကို ထိရောက်စွာ အထောက်အကူပြုရန် ရည်ရွယ်ပါသည်။
ရောင်နီသစ် လူမှုစီးပွားလုပ်ငန်း
MDP တွင် ရောင်နီသစ် လူမှုစီးပွား လုပ်ငန်း မတည်ရန်ပုံငွေ တစ်ရပ်ကို တည်ထောင်ထားရှိပြီး အဖွဲ့ဝင် (၇) ဦးပါဝင်သော ဒါရိုက်တာအဖွဲ့မှ စောင့်ရှောက် ထိန်းသိမ်းကာ လူမှုစီးပွား ငွေကြေး ဝန်ဆောင်မှုအတွက် အသုံးပြုမှုကို တိုက်ရိုက် ကြီးကြပ်ပါသည်။ လုပ်ငန်းကို အုပ်ချုပ်မှု ဒါရိုက်တာ ဦးဆောင်သည့် လုပ်ငန်းအဖွဲ့မှ အကောင်အထည်ဖေါ် ဆောင်ရွက်ပါသည်။
ရောင်နီသစ် အသေးစားငွေရေးကြေးရေး လူမှုစီးပွားလုပ်ငန်း (MDP MicroFinance) သည် နိုင်ငံတကာ ဖွံ့ဖြိုးရေး မိတ်ဖက်အဖွဲ့အစည်းများမှ လှူဒါန်းကူညီသော နည်းပညာ၊ လူအင်အားနှင့် မတည် ရန်ပုံငွေကို အသုံးပြုကာ မြန်မာနိုင်ငံ တဝှမ်းတွင် အသက်မွေးပညာသည်များ၊ တာဝန်သိ လုပ်ငန်းများ ပေါ်ပေါက် များပြား လာစေခြင်းအားဖြင့် ဝင်ငွေနိမ့် လုပ်သား ပြည်သူများ အတွက် လူမှုစီးပွား ရေရှည်ဖွံ့ဖြိုး တိုးတက်ရေးကို ထိရောက်စွာ ဆောင်ကြဉ်းနိုင်ရန် ဆောင်ရွက်နေသော နိုင်ငံသားပိုင် အသေးစား ငွေရေးကြေးရေး လုပ်ငန်း ဖြစ်ပါသည်။
MDP Microfinance သည် လူမှုအကျိုးစီးပွား (People)၊ စီးပွားရေးအကျိုးစီးပွား (Profit) နှင့် သဘာ၀ ပတ်ဝန်းကျင်အကျိုး စီးပွား (Planet) သုံးခုကို ပိုမိုတိုးတက် ကောင်းမွန်စေရန် ဦးတည်လုပ်ဆောင်ပါသည်။
Copyright © 2025 Myanmar Development Partners